İlk turun “Qarabağ” – “Zirə” oyunu təxirə salınıb

Topaz premyer liqasının 1-ci turunda keçirilməli olan “Qarabağ” – “Zirə” oyunu təxirə salınıb. Allsport.az saytı xəbər verir ki, Peşəkar Futbol Liqasına müraciət edən ev sahibi çempionlar liqasının 3-cü təsnifat mərhələsinin BATE ilə cavab oyununa daha yaxşı hazırlaşmaq üçün, görüşün təxirə salınmasını xahiş edib.

“Qarabağ”ın qitənin ən nüfuzlu klub turnirində çıxışını nəzərə alan PFL ilk turun təqvimində aşağıdakı dəyişikliklə bağlı qərar qəbul edib:

Topaz premyer liqasının 1-ci turunun “Qarabağ” – “Zirə” matçı 10 avqust tarixdən, 26 sentyabr tarixə keçirilib.