İngiltərə “qəhvəçilər”i penaltilərlə keçdi

Bu gün Rusiya-2018 Dünya Kubokunda 1/8 final başa çatıb.

Allsport.az saytı xəbər verir ki, mərhələnin 8-ci oyununda Moskvanın “Spartak” stadionunda İngiltərə və Kolumbiya yığmaları görüşüblər.

Avropalılar ilk yarıda 11-mertlik cərimə zərbəsindən vurulan qolla irəli çıxıblar. Matçın bitməsinə son dəqiqə qalmış “qəhvəçilər” hesabı bərabərləşdiriblər.

Əlavə 30 dəqiqədə də vəziyyət dəyişməyib. Penaltilərdə İngiltərə 4:3 qalib gəlib. Bu mərhələdə rəqib İsveç yığmasıdır.