İnkişaf turnirinə hazırlıq

15 yaşadək futbolçulardan ibarət milli avqustun 20-indən 28-nədək Estoniyanın paytaxtı Tallində UEFA inkişaf turnirində iştirak edəcək. Allsport.az saytı xəbər verir ki, komandamız turnirdə üç oyun keçirəcək.

Avqustun 22-sində Bosniya və Hersoqovina, 24-ündə Estoniya və 27-sində Moldovanın müvafiq yaş qrupundan ibarət komandası ilə qarşılaşacaq.

Hazırlıq məqsədilə seçməmiz avqustun 16-sından 20-nədək Bakıda təlim-məşq keçirəcək. Yekun heyət Bakı toplanışından sonra müəyyənləşəcək.