İsmayıllıda süni örtüklü meydançalar inşa olunacaq

AFFA-nın icraçı vitse-prezidenti Elxan Məmmədov bölgələrə səfəri çərçivəsində İsmayıllı rayonunda olub. Allsport.az saytı xəbər verir ki, icra hakimiyyətinin başçısı Nahid Bağırovla rayonda süni örtüklü meydança inşa olunması üçün münasib ərazilərə baxış keçiriblər.

Müvafiq ərazidə yaxın zamanlarda AFFA tərəfindən iki ədəd süni örtüklü meydançanın inşa olunacağı müəyyənləşdirilib. Bundan başqa, AFFA və icra hakimiyyəti rəhbərliyi arasında müzakirələrdən sonra region liqasında cari mövsümdən etibarən İsmayıllı rayonunu təmsil edən komandanın çıxış etməsi barədə razılıq əldə olunub.