İsraili beynəlxalq turnirlərdən kənarlaşdıra bilər

FİFA – İsrail milli komandalarının və klublarının beynəlxalq turnirlərdə iştirakını qadağan etmək qərarına gələ bilər. Allsport.az saytı xəbər verir ki, FİFA şurasının növbədənkənar iclası iyulun 20-nə təyin edilib.

Hüquqşünas Maks du Plessisin hesabatına görə, İsrail hakimiyyətinin Fələstindəki hərəkətləri FİFA-nın əsas məqsəd və ideyalarını sarsıdır. Bundan əlavə, hesabatda İsrailin insan hüquqlarını pozduğu, ölkə hökumətinin milli mənsubiyyətinə görə ayrıseçkilik etdiyi, bunun humanitar məqsədlərə və FİFA-nın mövqeyinə zidd olduğu bildirilir.

May ayında Fələstin futbol assosiasiyasının rəhbəri Cibril Racup FİFA-dan İsrail futbol federasiyasının təşkilata üzvlüyünü dayandırmağı tələb etmişdi. İsrail 2023-cü il sentyabrın 7-də Qəzza zolağında hərbi əməliyyata başlayıb və bu gün də davam edir.