“İstənilən komandaya qol vura bilərik”

İngiltərə millisinin yarımmüdafiəçisi Cud Bellingem Avro-2024 matçında Serbiya üzərində qələbədən sonra fikirlərini bölüşüb.

Allsport.az xəbər verir ki, bu barədə o, UEFA-ya açıqlama verib:

“Mən sadəcə futbol oynamağı xoşlayıram. Gələcəyə çox uzaqlara baxmaq əvəzinə hər oyuna fərdi baxıram. Mənə elə gəlir ki, istənilən matçı dəyişə bilərəm. Mən qorxmadan oynayıram, çünki bunu etməyi sevirəm. Bu bir zövqdür.

İstənilən vaxt İngiltərə üçün qol vurmaq həqiqətən xüsusidir, xüsusən də bizə qələbə və üç xal qazandıran.

İlk hissə göstərdi ki, istənilən komandaya qol vura bilərik, ikinci hissə isə göstərdi ki, istənilən komandaya qarşı qapını təmiz saxlaya bilərik. Bir az zəhmət çəkməli olduq, amma qapını “quru” saxladıq. Ümumilikdə bu oyundan razıyıq”.