İsveç klubunda ilk qolunu vurdu

“Yurqorden” klubu İsveç kubokunun seçməsində 2-ci mərhələdə 1-ci divizionun lideri “Sandvikens”ə 5:1 qalib gəlib. Allsport.az saytı xəbər verir ki, bununla da “ağ-göylər” mübarizəni qrupda davam etdirəcək.

Musa Qurbanlı adıçəkilən görüşdə start heyətində meydana çıxıb. Azərbaycan millisinin hücumçusu 12-ci dəqiqədə komandasının 2-ci qolunu vurub. O, yay transfer pəncərəsində keçdiyi yeni klubunda ilk dəfə fərqlənib.