İsveçrə qələbə ilə başladı

Almaniyada futbol üzrə Avropa çempionatında İsveçrə millisi “A” qrupunun ilk turda Macarıstan yığmasına qalib gəlib. Allsport.az saytı xəbər verir ki, ilk hissədə “bankçılar” 2 dəfə fərqləniblər: Kvadvo Dua (12-ci dəq) və Mixel Ebişer (45-ci dəq).

İkinci 45 dəqiqədə macarlar Barnabaşa Varqanın (66) səyi ilə bir qolun əvəzini çıxıb. Ən sonda Bri Embolo 3-cü qolu (93) vuraraq, yekun hesabı müəyyənləşdirib – 3:1.