İtaliya müntəzəm olaraq 2 qran-priyə ev sahibliyi etmək istəyir

Ötən noyabrda, İmola trası 14 illik fasilədən sonra Formula-1 yarışına ev sahibliyi etdi və rəqabət o qədər maraqlı oldu ki, indi bütün komandalar və sürücülər yeni mövsümün ikinci mərhələsində Enzo və Dino Ferrari adını daşıyan bu klassik avtodroma qayıtmaqdan məmundurlar.

Allsport.az saytı xəbər verir ki, 2021-ci ildə Emiliya-Romanya qran-prisi “İtaliya malı” (“Made in Italy”) şüarı altında keçir, çünki ölkənin xarici işlər nazirliyi bu idman tədbirində yerli şirkətlərinin məhsullarını beynəlxalq bazarlarda tanıtmaq və İtaliyanın bu bölgəsinə diqqəti cəlb etmək istəyir.