“Kəpəz” AzAL-la yoxlama oyunu keçirəcək

Topaz Premyer Liqasının 12-ci turunda keçirilən AzAL – “Kəpəz” (1:1) oyunundan sonra Gəncə klubunun üzvləri istirahətə buraxılıb. Allsport.az xəbər verir ki, milli komandaların oyunları ilə bağlı çempionatda fasilə yarandığından komandaya 3 günlük istirahət verilib.

“Sarı göylər” məşqləri noyabrın 11-də bərpa edəcək. Fasilə müddətində “Kəpəz” yoxlama oyunu da keçirəcək. Sözügedən komanda AzAL-la qarşılaşacaq. Razılaşmaya əsasən, yoxlama matçı noyabrın 14-də “AzAL Arena”da baş tutacaq və saat 15:00-da start götürəcək.