“Kəpəz” flaqmanla ev oyununa Bakıda hazırlaşır

Premyer liqasının 25-ci turunda Gəncədə “Neftçi”ni qəbul edəcək “Kəpəz” bu oyunun hazırlıqlarına başlayıb. Allsport.az saytı xəbər verir ki, komanda tarixi derbinin əsas çalışmalarını paytaxtda keçirəcək.

Son turda “Qarabağ” ilə görüşdən sonra bərpa keçib bir gün istirahət edən “sarı-göylər”, yenidən meydançaya məşqlərə çıxıb. Gəncə klubu aprelin 7-nə kimi ADBTİA-nın stadionunda məşq edəcək.