“Kəpəz” Koreyanın komandası ilə qarşılaşacaq

“Kəpəz”in Türkiyə toplanışı müddətində yoxlama oyunu keçirəcəyi sonuncu rəqibi məlum olub. Allsport.az saytı xəbər verir ki, Gəncə təmsilçisi Antalyada Koreyanın “Tedjon Sitizen” komandası ilə qarşılaşacaq. Oyun yanvarın 25-də keçiriləcək.

“Kəpəz” qardaş ölkədə dörd yoxlama görüşündə qüvvəsini sınayacaq. “Sarı-göylər” asiyalılarla yanaşı, yanvarın 22-də “Viitorul” (Konstanta, Rumıniya), 28-də “Yagelloniya” (Belostok, Polşa) və 31-də “Spartak” (Subotiça, Serbiya) klubları ilə qarşılaşacaq.