“Kəpəz” şou göstərdi

Yanvarın 5-ində premyer liqanın 21-ci turunda “Kəpəz” Qəbələdə “Araz-Naxçıvan”ı qəbul etdi. Allsport.az saytı xəbər verir ki, üstün oyun nümayiş etdirən Gəncə klubu 3:1 qalib gəldi.

İlk hissədə Ehtiram Şahverdiyev 2 qol vurdu. “Qırmızılar” Orxan Əliyevlə fərqi azaltdılar.

İkinci yarıda “sarı-göylər” oyunu əks-hücumda qurdu. Adam Nane 2 dəfə təkbətək fürsəti qaçırsa da, meydana sonradan girən Amil Yunanov dəqiq oldu.

Xatırladaq ki, Gəncə şəhər stadionunun da təmir işi ilə bağlı “Kəpəz” ev oyunlarını Qəbələdə keçirir.