“Kəpəz”in məşqçisinə diskvalifikasiya

“Kəpəz”in 2-ci komandasının məşqçisi Orxan Verdiyev cəzalanıb.

Allsport.az xəbər verir ki, buna çalışdırıcının əvəzedicilər liqasının XXVI turundakı davranışı səbəb olub.

Məşqçi “Kəpəz-2” – “Neftçi-2” oyununun 76-cı dəqiqəsində hakimi təhqir etdiyinə görə birbaşa qırmızı vərəqə alıb. Verdiyev cəzalandıqdan sonra hakimə təzyiq göstərməyə cəhd edib.

AFFA-nın intizam komitəsi onu 5 oyunluq diskvalifikasiya edib. “Kəpəz-2” komandası 400 manat cərimə olunub.