“Kəpəz”in zədəliləri sıraya dönür

“Kəpəz”in zədəli futbolçuları Şəhriyar Əliyev, Şəhriyar Rəhimov və Tural Rzayevin durumu yaxşıdır. Allsport.az xəbər verir ki, AZAL-la yoxlama oyununda zədələnən futbolçular bu gündən komanda ilə birgə məşqə çıxacaqlar.

“Sarı-göylər”in digər üç zədəli oyunçusu Kərim Diniyev, Xəzər Qəribov və Azad Kərimov isə sabahdan ümumi qrupa qoşulacaq. Bu futbolçular ötən müddətdə fərdi halda çalışıb.

Komandanın braziliyalı futbolçusu Dario Junior Federikodan isə pis xəbər var. Belə ki, Premyer Liqanın 12-ci turunda sıradan çıxan futbolçu vətəni Braziliyada ətraflı müayinədən keçib. İki dəfə əməliyyat olunan futbolçunun ən azı 5 ay yaşıl meydanlardan kənarda qalacağı müəyyənləşib. Belə olan halda mövsümü bu oyunçu üçün demək olar ki, bitmiş saymaq olar.