Kamran Ağayevin komandası “Qarabağ”ın qəniminə uduzub

Çex Respublikasının 1-ci liqasında 4-cü turun oyunları keçirilib. Allsport.az saytı xəbər verir ki, “Mlada Boleslav” doğma meydanda Libereç “Slovan”ı ilə qarşılaşıb.

Ev sahibləri bu görüşdə böyük hesabla uduzub (0:3). Millimizin qapıçısı Kamran Ağayev yenə iştirak ərizəsində yer almayıb. Onun komandası 1 xalla 15-ci pillədədir.

Xatırladaq ki, “Slovan” ötən avroliqa mövsümündə qrup mərhələsində “Qarabağ”ın rəqibi olub, 2 oyunda bizdən 4 xal qazanaraq, ölkə çempionumuzun 1/16 finala çıxmaq imkanını əngəlləmişdi.