Karantin qaydalarını pozan klubun xalları silindi

Avstriya futbol federasiyası bundesliqanın lideri LASK-ı cəzalandırıb. Allsport.az xəbər verir ki, Lints təmsilçisi çempionatın bərpası ilə bağlı tərtib edilən qaydalara əməl etməyib.

Federasiya klublara fərdi məşqlərə icazə versə də, LASK kollektiv hazırlıq keçib.

Bu səbəbdən federasiya klubun 6 xalını silib və 75 min avro cərimələyib.

6 xalı silinən LASK 2-ci pilləyə düşüb. “Zalsburq” isə ilk pilləyə yüksəlib.

Avstriya bundesliqası iyunun 2-də bərpa olunacaq.