“Kimyaçılar” Rumıniya və Özbəkistan klublarına qarşı

“Sumqayıt”ın Antalya toplanışı çərçivəsində yoxlama oyunları keçirəcəyi rəqiblərin adı dəqiqləşib.

Allsport.az xəbər verir ki, “Gənclik şəhəri” təmsilçisi gələn il yanvarın 12-də Rumıniyanın “Hermanştadt” klubu ilə üz-üzə gələcək.

Samir Abbasovun komanda 4 gün sonra isə Özbəkistan “Soqdiana”sını sınağa çəkəcək.

Qeyd edək ki, “Sumqayıt” mövsümün ikinci yarısı üçün hazırlıqlarını yanvarın 6-17-də Türkiyənin Antalya şəhərində keçirəcək.