“Kimyaçılar”ın tarixində ilk braziliyalı

“Sumqayıt” qışda ilk futbolçu keçidini reallaşdırıb. Allsport.az xəbər verir ki, “kimyaçılar” “Kolos”un (Ukrayna) 25 yaşlı futbolçusu Dieqo Kariokanı heyətə cəlb edib.

Braziliyalı vinger müqavilə müddəti uzadılması şərti ilə mövsümün sonuna qədər icarəyə götürülüb.

“Sumqayıt” tarixinə ilk braziliyalı futbolçu kimi düşən Dieqo Karioka karyerası ərzində “Şaxtyor” (Soliqorsk, Belarus), “Vitebsk” (Belarus), “Yagelloniya” (Polşa), “Zalagerseq” (Macarıstan) və “Kolos” (Ukrayna) kimi klublarda çıxış edib.