Kökçü üçün 30 milyon verməyə hazırdı

Türkiyə A milli futbol komandasının və “Feyenoord”un yarımmüdafiəçisi Orxun Kökçü yüksələn performansı ilə İngiltərə nəhəngi “Arsenal”ın diqqətini çəkməyə davam edir.

Allsport.az xəbər verir ki, premyer liqada çempionluğa iddialı olan “Topçular” gələn yay yarımmüdafiə xəttini gücləndirmək istəyir. 2023-ün Yanvarında Corcinyonu “Çelsi”dən bu mövqeyə transfer edən “Arsenal” indi Orxun Kökçü üçün danışıqlara başlayıb.

Kökçünün transferinin “Arsenal”a ən az 30 milyon funt sterlinqə başa gələcəyi iddia edilmişdi. Futbolçunun son fiziki göstəriciləri və 22 yaşında olması nəzərə alındıqda bu rəqəm məqbuldur.