“Komanda gözlədiyimdən də yaxşı oyun göstərdi”

Yeni mövsümə hazırlıqlarını davam etdirən “Səbail” klubu, Türkiyə toplanışı çərçivəsində 2-ci yoxlama oyununu keçirib. Allsport.az saytı xəbər verir ki, komandamız superliqa təmsilçisi “Sivasspor” ilə 1:1 edib. Matçla bağlı baş məşqçi Şahin Diniyev bunu söyləyib:

“Olduqca çətin rəqibə qarşı növbəti yoxlama oyunumuzu keçirdik. Əslində, bu qədər ağır məşqlərdən sonra komandamın yorğun olacağını düşünürdüm. Lakin bütün kollektiv “Sivasspor”la qarşılaşmada xarakter nümayiş etdirdi. Hətta deyərdim ki, gözlədiyimdən də yaxşı oyun göstərdi.

Futbolçularımız taktiki cəhətdən ağıllı oldular. Hücumlarda daha dəqiq olsaydıq, qələbə də qazana bilərdik. Qarşılaşma ərzində çox sayda qol imkanını əldən verdik. Maraqlı səslənsə də, qələbəyə biz daha yaxın idik.

Həm nizam-intizam, həm də oyun baxımından komandamızda inkişaf nəzərə çarpır. Bu hələ başlanğıcıdır. Daha yaxşı oynamaq üçün potensialımız var”.