FOTO

Koronavirusa qalib gələn ulduz futbolçu və arvadı 2 ay sonra uşaqlarına qovuşdu

“Valensiya”nın müdafiəçisi Esekel Qaray və həyat yoldaşı Tamara Qoro 2 aydan sonra ilk dəfə övladları ilə görüşüb. Allsport.az xəbər verir ki, onlar martın ortalarında övladlarını Madriddə yaşayan valideynlərinin yanına göndərmişdi.

Bundan bir neçə gün sonra isə cütlük COVID-19-a yoluxmuşdu. Onlar infeksiyadan qurtulsa da, İspaniyada səyahət məhdudiyyətinə görə uşaqlarını görə bilmirdi.

Tamara sosial hesabında 2 ay sonra övladlarına qovuşduqlarını bəyan edib:

“Nəhayət, uşaqlarımızı 2 aydan sonra gördük. Hisslərimi sözlə ifadə edə bilmirəm. Uşaqlarımı yenidən qucaqlamaq hissini yaşadım”.