Ləns Strol testlərə qatılmayacaq. “Aston Martin”in sürücüsü qəzaya uğrayıb

Allsport.az saytı xəbər verir ki, “Aston Martin” komandasının sürücüsü İspaniyada velosiped sürərkən qəzaya uğrayıb. Yüngül xəsarətlər alan pilot mövsüm öncəsi testlərə qatılmayacaq. Kanadalı pilot durumu belə izah edib:

“Yeni mövsümə hazırlıq ərəfəsində, velosiped məşqlərində qəza keçirdim. Mən mümkün qədər tez sükan arxasına qayıtmaq istəyirəm. Bu uğursuzluqdan sonra, mümkün gədər tez formaya qayıtmaq niyyətindəyəm“.

Onun komanda yoldaşı Fernando Alonso da 2012-ci ildə, İspaniyada velosiped qəzası keçirib. İspaniyalı avtopilot əməliyyat olunduğu üçün, hətta yeni bolidin təqdimatında iştirak etməyib. Alonso qış testlərindən öncə sükan arxasına qayıtmışdı.