Ləns Stroll: Əyləci erkən basmasaydım, Bakıda qalib də ola bilərdim

“Uillyams” komandasının üzvü Ləns Stroll ötən Azərbaycan qran-prisini yada salıb. Allsport.az saytı xəbər verir ki, karyerasında ilk dəfə fəxri kürsüyə Bakıda çıxan Formula1 sürücüsü qalib gəlmək fürsətinin də olduğunu deyib:

“Əgər Daniel Rikkardonun cəsarətli ötməsini vaxtında duysaydım, qalib də ola bilərdim. Döngədə ötmə anında inamsız oldum, əyləci erkən basdım.

Sonra güzgüdə kiminsə arxadan gəldiyini gördüm. Bu, “Red Bull”un pilotu idi. Aydın oldu ki, müdafiə olunmaq artıq gecdir. Bir sözlə, mən gecikdim”.