“Lokomotiv” Syomini göndərdi

Rusiyanın “Lokomotiv” klubu baş məşqçisi Yuri Syomin ilə yolunu ayırıb. Allsport.az xəbər verir ki, Moskva təmsilçisi 73 yaşlı mütəxəssisin mayın 31-də başa çatacaq müqaviləsini uzatmayıb.

Onu bu postda serb çalışdırıcı Marko Nikoliç əvəzləyib. 40 yaşlı mütəxəssis işinin icrasına iyunun 1-də başlayacaq. 

Syomin müxtəlif illərdə “Lokomotiv”i çalışdırıb. Təcrübəli çalışdırıcı 3 dəfə ölkə çempionu olub, 6 dəfə Rusiya kubokunu qazanıb. Rus mütəxəssis 2013/14 mövsümündə “Qəbələ”nin baş məşqçisi olub.