“Lüisin “Ferrari”də ilk dövrələrini etməsini görmək xoş idi”

“Ferrari” komandasının sürücüsü Çarlz Lekler açıqlama verib.

Allsport.az xəbər verir ki, monakolu idmançı yeni mövsüm öncəsi İtaliya komandasının yeni pilotu, yeddiqat Formula-1 çempionu Lüis Həmiltonun müşayiəti ilə Maranello bazasında məşq sessiyalarına qayıtmasından danışıb:

“Tətildən sonra bolidi idarə etmək gözəl hissdir. Trasa qayıtmaq və azarkeşlərin bizi izləməyə gəldiyini görmək çox xoşdur. Bütün bu həyəcanı komandanın ətrafında hiss etmək həvəsləndiricidir. Yağış yağsa da, gözəl gün idi.

Təbii ki, Lüisin “Ferrari”də ilk dövrələrini etməsini görmək xoş idi, bu, komanda və onun üçün xüsusi məqam idi.”