“Lunini təbrik etməliyik”

“Real”ın yarımmüdafiəçisi Federiko Valverde çempionlar liqasının 1/4 final mərhələsinin cavab oyununda “Mançester Siti”ni məğlub etdikdən (1:1, 4:3 – penaltilər) sonra komandasının qapıçısı Andrey Lunini tərifləyib.

Allsport.az xəbər verir ki, o, qolkiperi təbrik edib:

“Lunini təbrik etməliyik, çünki o, ilk matçdan sonra hər kəsin başına gələ biləcək bir şeyə görə tənqid olundu. Bu gün o, möhkəm dayandı, “Real”da oynayarkən lazım olan cəsarət göstərdi və onun necə gözəl qapıçı olduğunu nümayiş etdirdi”.