Məhəmməd Mirzəbəyov: Gənc futbolçularımız özlərini yaxşı tərəfdən göstərdilər

“Neftçi”nin müdafiəçisi Məhəmməd Mirzəbəyov açıqlama verib. Allsport.az saytı xəbər verir ki, o, Antalya toplanışı çərçivəsində Rumıniyanın “Qaz Metan” klubuna 3:0 qalib gəldikləri görüş barədə danışıb:

“Yorğunluğun fonunda oynamaq çətindi. Bununla belə, komandamızın üzvləri xarakter göstərdilər. Məşqçinin tapşırıqlarını yerinə yetirib qələbə qazandıq. Gənc futbolçulara gəlincə, onlar özlərini yaxşı tərəfdən göstərdilər.

Əli Şirinov isə 2 qol vurdu. Gənc futbolçu üçün bu, asan deyil. Ona uğurlar və öz üzərində daha çox işləməyi arzulayıram. Bəlkə də bizi qarşıda çətin yol gözləyir. Çalışıb, bu yolu birlikdə keçməliyik”.