Mərakeşli yarımmüdafiəçi: “Qarabağ” inkişafıma təkan verdi

Fransanın 3-cü liqa təmsilçisi “Qrenobl”la anlaşan mərakeşli Əlhərbi Əl-Jadeyaui, xarici mətbuata açıqlamasında Azərbaycandakı karyerasını yada salıb. Allsport.az saytı xəbər verir ki, yarımmüdafiəçi “Qarabağ”da karyerası (2015-16) ərzində ən yaxşı komanda olduğunu bildirib:

“Azərbaycana getməklə çox şey qazandım. “Qarabağ”da oynamaq təcrübəsi mənim gözlərimi açdı. Məhz bu keçidin hesabına çempionlar liqasının təsnifatında oynamaq imkanı qazandım. Sonra Avropa liqasının qrupunda çıxış  etdim. “Qarabağ”da ölkə çempionu oldum, titul qazandım. Bu, həm futbolçu, həm də insan kimi inkişafıma təkan verdi”.