Məşhur futbolçu cinsi zorakılıqda ittiham olunur

Fransanın “Reyms” klubunun və Yaponiya millisinin cinah oyunçusu Jun İto cinsi zorlamada ittiham olunaraq istintaqa cəlb olunub.

Allsport.az xəbər verir ki, 2 qadın İto tərəfindən cinsi təcavüzə məruz qaldıqlarını Yaponiya hüquq-mühafizə orqanlarına bildiriblər. Zərərçəkənlərin sözlərinə görə, futbolçu onlara spirtli içki verib və keçən yay Osakadakı oteldə razılıq olmadan cinsi əlaqədə olub.

İto özü də 2 qadınla vaxt keçirdiyini inkar etmir. Lakin idmançının vəkili qadınların ifadələrindəki ziddiyyətlərə və sübutların olmamasına diqqət çəkərək, zorlama ittihamlarını tamamilə əsassız adlandırıb.