Madaqaskar millisinin hücumçusu “Səbail”də

Yeni mövsüm üçün transfer çalışmalarını davam etdirən “Səbail” heyətini daha bir futbolçu ilə gücləndirib. Allsport.az saytı xəbər verir ki, Bakı təmsilçisi son mövsümü Fransanın “Sedan” klubunda keçirmiş Aleksandr Ramalinqom ilə 1 illik müqavilə imzalayıb.

Madaqaskar millisinin üzvü olan Aleksandr Ramalinqom karyerası ərzində “Marinyan”, “Balajn”, “Ayaçço”, “Marinyan Cinyak”, “Bezye” (Fransa) “Virton” (Belçika) klublarının uğurları üçün çalışıb. 30 yaşlı futbolçu Madaqaskar millisində 8 qarşılaşmada da meydana çıxıb.

“Dənizçilər” bundan əvvəl Yusif Nəbiyev, Süleyman Əhmədov, Rüfət Abdullazadə, Səlahət Ağayev, Bahadur Həziyev, Amil Yunanov, Nir Bardea, Yadin Luqas, Valdemar Almeyda-Pana, Pedro Nunonu transfer edib.