“Mahir indi yaxşı formadadır”

Xorvatiya “Dinamo”sunun baş məşqçisi Jelko Kopiç, Avropa liqasının pley-ofunda “Sevilya” ilə oyun barədə açıqlama verib. Allsport.az saytı xəbər verir ki, o, millimizin hücumçusu Mahir Əmrəlinin yaxşı formada olduğunu, ancaq kimin oynayacağına sabah qərar verəcəyini deyib:

“Görək oyun nə vaxt başlayacaq (gülür). Petkoviçə güvənirəm. Onun hazırlığından razı qaldım. Çox uğursuzluğu oldu, ancaq komandaya xeyir verə biləcəyini göstərdi. Mahir Əmrəli məşq edir, mübarizə aparır, indi daha yaxşı formadadır. Hər kəs oyuna hazırdır. Biz matçı səbirsizliklə gözləyirik”.

Fevralın 17-də görüş Bakı vaxtı ilə saat 00:00-da başlayacaq.