Mahir Mədətova ölkə xaricindən oynamasına qış tranfser dövründə aydınlıq gələcək

Azərbaycanın U-21 millisinin və “Qarabağ”ın futbolçusu Mahir Mədətovun atası Anar kişi oğlunun Avropa klublarından birinə transfer ediləcəyi ilə bağlı yayılan məlumatlara aydınlıq gətirib.

Allsport.az saytı xəbər verir ki, o, “Lider” TV-də yayımlanan “Bu, bizik” verilişinə telefonla bağlantısı zamanı, xarici klubların onunla maraqlandığını deyib. Anar Mədətov hər şeyə 2018-ci ildə dəqiqləşəcəyini söyləyib:

“Müqavilə imzalansa, hamı biləcək ki, qış transfer dövründə Mahiri alıblar. Bəli, maraqlanırlar, amma bu, hələlik sirr kimi qalır. Nə olacağını yeni ildən sonra biləcəyik. Əcnəbi məşqçilər gəldilər, maraqlandılar. Amma 2018-ci ilin tranfser dövrünü gözləmək lazımdır”.