Mahirin istirahəti bitdi

Azərbaycan millisinin “Legiya”da oynayan futbolçusu Mahir Əmrəli Varşava təmsilçisinin düşərgəsinə qoşulub.

Allsport.az xəbər verir ki, 24 yaşlı hücumçu bu gündən kollektivlə birlikdə məşqlərə qatılıb. Azərbaycan yığmasının heyətində Lüksemburq (1:3) və Qətərlə (2:2) oyunlarda iştirak edən Əmrəli Polşaya qayıtdıqdan sonra məşqçilər korpusu tərəfindən ona 1 günlük istirahət verilib. Artıq istirahətini başa vuran forvard bu gün Polşa ekstraklasasının 15-ci turunda “Qornik”lə səfər görüşünün hazırlıqlarına qatılıb.

“Qornik” – “Legiya” oyunu noyabrın 21-də keçiriləcək.