Mahirin komandası mərhələ adladı

Azərbaycan millisinin futbolçusu Mahir Əmrəlinin çıxış etdiyi “Legiya” klubu Polşa Kubokunda 1/4 finala yüksəlib.

Allsport.az xəbər verir ki, Varşava təmsilçisi 1/8 finalda “Motor”u səfərdə məğlubiyyətə uğradıb – 2:1.

24 yaşlı hücumçu meydana 46-cı dəqiqədə girib. Həmin vaxt “Legiya” 0:1 hesabı ilə geridə olub. Qonaq komanda Lukinyasın 56-cı və Şimon Vlodarçikin 73-cü dəqiqədə vurduğu qollar sayəsində əzmkar qələbə qazanıb.

Növbəti mərhələdə rəqib “Arka Qdınya” komandası olacaq.