Mahirlə birgə döyülmüş futbolçu da “Legiya”dan ayrıldı

“Legiya”da Mahir Əmrəli ilə birlikdə azarkeşlərin hücumuna məruz qalmış Lukinyas da Polşa klubundan ayrılıb. Allsport.az saytı xəbər verir ki, braziliyalı yarımmüdafiəçi ABŞ-ın “Nyu-York Red Bulls” klubuna keçib. 26 yaşlı futbolçu ilə 3-illik müqavilə imzalanıb. 

Xatırladaq ki, ötən ilin dekabrında Polşa eksraklassasının 28-ci turunda Plotsk “Visla”sına məğlubiyyətlə barışmayan azarkeşlər, komandanın avtobusuna soxularaq Mahir Əmrəli və Lukinyası döyüblər.

Bundan sonra millimizin hücumçusu “hərbçilər”dən ayrılıb və özünə yeklub axtarmağa başlayıb. O, 2 həftə öncə Xorvatiyanın “Dinamo” (Zaqreb) klubu ilə müqabilə bağlayıb.