“Makkabi” – “Qarabağ” görüşünü o idarə edəcək

Avropa liqasının “İ” qrupunun ilk turunda oktyabrın 22-də Tel-Əvivdə keçiriləcək “Makkabi” – “Qarabağ” oyununa təyinatlar açıqlanıb. Allsport.az saytı xəbər verir ki, UEFA görüşü şotlandiyalılara həvalə edib.

Baş hakimi Con Biton olacaq. Ona yan xətlərdə Frensis Konnor və Daniel Makfarlan kömək edəcəklər. 4-cü referi Euan Anderson olacaq.

Hakimlərin işinə serb Milan Karaciç qiymət verəcək. UEFA nümayəndəsi rusiyalı İvan Tsitoviçdir.

Matç saat 23:00-da başlayacaq.