Marşalların qəbuluna başlanıb

Bakı şəhər halqası əməliyyat şirkətinin tərkibində fəaliyyət göstərən marşal klubu Bakıda keçiriləcək Formula1 Azərbaycan qran-prisininin proqramı üçün qeydiyyat prosesinə start verib.

Allsport.az xəbər verir ki, 2020-ci ilin 5-7 iyun tarixlərində keçiriləcək yarışın marşal proqramına 100-ü xarici olmaqla ümumilikdə 1300-ə yaxın marşalın cəlb olunması nəzərdə tutulur. Proqramda yaşayış yerindən asılı olmayaraq yaşı 21-dən çox olan hər kəs iştirak edə bilər. Marşal proqramı haqqında ətraflı məlumatı klubun rəsmi vebsaytı və feysbuk səhifəsindən əldə edə bilərsiniz.