Marsial qərarında qətidir

“Mançester Yunayted”in hücumçusu Antoni Marsial ən azı yaya qədər “qırmızı şeytanlar”ı tərk etmək fikrində deyil.

Allsport.az xəbər verir ki, 28 yaşlı futbolçunun müqaviləsi 2024-cü il iyunun 30-da başa çatır, yəni o, yanvardan etibarən digər klublarla danışıqlar apara bilər.

“Marsel”, “Fənərbağça” və Səudiyyə Ərəbistanından bir sıra klublar forvardla maraqlansalar da, Marsial bütün təklifləri rədd edib. O, 2015-ci ildən Mançester klubunda çıxış edir. Bu mövsüm fransalı 19 oyun keçirib, 2 qol vurub və 2 məhsuldar ötürmə edib.