Mayk Cordanın ayaqqabıları hərracda satılıb

Allsport.az xəbər verir ki, 6-qat NBA çempionu əfsanəvi amerikalı basketbolçu Maykl Cordanın imzalı idman ayaqqabısı hərracda 2,24 milyon dollara satılıb. Bu, indiyə qədər hərracda satılan ən bahalı idman ayaqqabısı olub.

Cordan ayaqqabıları 1998-ci ildə “Çikaqo Bulls”un “Utah Jazz”ı 4:2 hesabı ilə məğlub etdiyi son NBA finallarının 2-ci oyununda geyinmişdi. Amerikalı matçda 37 xal toplayıb. Görüşdən sonra Maykl idman ayaqqabılarına imza ataraq onları qonaqlar üçün soyunub-geyinmə otağında xidmət edən bir oğlana vermişdi.