“Mbappe gəlsə, məni ehtiyat oyunçular skamyasına keçirəcəklər?”

“Real”ın hücumçusu Rodriqo PSJ-nin hücumçusu Kilian Mbappenin Madrid klubuna mümkün transferi ilə bağlı fikirlərini bölüşüb.

Allsport.az xəbər verir ki, o, Mbappenin komandaya gəlişinin baş məşqçiyə problem yaradacağını bildirib:

“Jurnalistlərin dediklərinə görə, məncə, bu hadisə yaxındır. Mən sizə güvənirəm uşaqlar! Amma nə baş verdiyini bilmirəm. Mbappe gəlsə, məni ehtiyat oyunçular skamyasına keçirəcəklər? Bu, məşqçi üçün xoş başağrısı olacaq. Mən yalnız “Real”a köklənmişəm”.