“Mersedes” dubl ilə başladı, “Red Bull”un sürücüsü 2-ci oldu

Bu gün Bəhreynin Saxir trasında Formula1 dünya çempionatının ilk mərhələsi sona yetib. 

Allsport.az saytı xəbər verir ki, 5412 metr uzunluğu olan ötüşmədə 56 dairənin yekununda Lüis Həmilton 1-ci olub. “Mersedes”in pilotu qələbəyə 1:32.03.897 saniyə sərf edib. O, karyerasında 96-cı qran-prini udub.

“Red Bull Xonda”dan Maks Ferstappen britaniyalı sürücüdən +0.745 saniyə geri qalıb. Ötən mövsüm olduğu kimi, bu dəfə də Almaniya komandası dubl edib: Valtteri Bottas finişə 3-cü çatıb.