Messi Peleyə çatdı

“İnter Mayami”nin kapitanı Lionel Messi “Orlando Siti” ilə oyunda (4:2) cərimə zərbəsi qolu ilə yadda qalıb. 

Allsport.az xəbər verir ki, argentinalı hücumçu matçın 90-cı dəqiqəsində təxminən 25 metr məsafədən topu rəqib qapısına göndərib.

Bu qol 38 yaşlı ulduz futbolçunun karyerasında cərimə zərbəsindən vurduğu 70-ci yubiley topu olub. Bu göstərici ilə o, dünya futbolu tarixinin əfsanəsi olan Peleyə çatıb.

Messi yalnız Juninyo Pernambukandurdan (77 qol) geri qalır.