Milli qələbə ilə başladı

Qadın futbolçulardan ibarət Azərbaycan komandası dünya çempionatı – 2027-nin seçmə mərhələsində mübarizəyə start verib.

Allsport.az xəbər verir ki, “C” liqasının 3-cü qrupunda yer alan millimiz ilk oyununu Şimali Makedoniya yığmasına qarşı keçirib. Millimizin heyətində 50 oyun keçirmiş Nigar Mirzaliyeva və Sevinc Cəfərzadəyə qarşılaşmadan əvvəl AFFA adından xatirə olaraq millinin rəsmi köynəyi verilib. Yubilyarlara hədiyyəni AFFA-nın baş katibi Cahangir Fərəcullayev və gənclər və idman naziri Fərid Qayıbov təqdim ediblər.

“Dalğa Arena”da təşkil olunan görüş millimizin 2:0 hesablı qələbəsi ilə yekunlaşıb. Komandamızın heyətində hər iki qolu kapitan Sevinc Cəfərzadə vurub.

Millimiz qrupda növbəti oyununu martın 7-də Felksut şəhərində yerləşən “Panço Arena”da Macarıstan yığmasına qarşı keçirəcək.