Millidən növbəti məğlubiyyət

17 yaşadək futbolçulardan ibarət Azərbaycan millisi Belarusda təşkil olunan turnirdə son oyununu keçirib.

Allsport.az xəbər verir ki, qrup mərhələsindəki bütün matçlarda uduzan yığmamız bu gün 7-8-ci yerlər uğrunda qarşılaşmaya çıxıb.

Millimiz Tacikistan yığması ilə qarşılaşıb. Komandamız ardıcıl dördüncü məğlubiyyətini alıb – 1:3. Yeganə qola İslam Həsənov imza atıb. Bununla da millimiz turnirdə sonuncu – 8-ci yeri tutub.

Qeyd edək ki, yığmamız bunadək Belarusa 0:2, Rusiyaya 0:1, Özbəkistana 0:2 hesabı ilə uduzub.