Millimiz millətlər liqasına sülhlə başladı

Bu gün Azərbaycan millisi millətlər liqasında ilk oyununa çıxdı. Allsport.az saytı xəbər verir ki, “D” liqasının 3-cü qrupunda yer alan komandamız ilk görüşdə Bakı olimpiya stadionunda Kosovo futbolçuları ilə üz-üzə gəldi.

Bu mücadilə həm də Qurban Qurbanovun yığmada baş məşqçi kimi ilk rəsmi sınağı idi. “Ay-ulduzlular”ımız qələbə hədəfləsə də, təəssüf ki, elə də güclü təsir bağışlamayan rəqibi üstələyə bilmədi və qarşılaşmadan 1 xalla ayrıldı (0:0).