Millimiz üçün Avro-2024 fürsəti: bütün Azərbaycan Qazaxıstana azarkeşlik edəcək

Millətlər liqasında noyabrın 20-si saat 23:45-də başlayacaq görüşdə Qazaxıstan səfərdə Sloveniyaya qalib gəlsə, Azərbaycan millisi “C” liqasında pley-off oynayacaq. Allsport.az saytı xəbər verir ki, yarımfinal və finalda qələbə qazanacağı təqdirdə isə Avro-2024-ün final mərhələsinə yüksələcək.

Əgər Qazaxıstan qalib gəlsə yarımfinalda Gürcüstan, finalda isə Yunanıstan-Lüksemburq cütünün qalibi ilə qarşılaşa bilərik.

Bu arada noyabrın 23-ü Bakı vaxtı ilə saat 15:00-da keçiriləcək pley-off mərhələsinin püşkatma mərasimi də “İctimai” TV vasitəsilə canlı yayımlanacaq.

Bir sözlə, noyabrın 20-i bütün Azərbaycan Qazaxıstana azarkeşlik edəcək.