Millimizin futboçusu çıxan kimi qol vurdu

Rusiya premyer-liqasının 19-cu turunda millinin hücumçusu Ramil Şeydayevin çıxış etdiyi “Krılya Sovetov” doğma meydanda Krasnoyarsk “Yenisey”ini 4:0 darmadağın edib.

Allsport.az saytı xəbər verir ki, futbolçumuz görüşün 80-ci dəqiqədəsində meydana girib və 1 dəqiqə sonra hesabda son nöqtəni qoyub. Bu, həmyerlimizin Rusiya çempionatında 2-ci qoludur. O, ötən tur Moskva “Lokomotiv”ini məyus edib.

Samara klubunda digər azərbaycanlı, Aleksandr Səmədov 90 dəqiqə oynayıb və əlavə vaxtda əvəzlənib. Hazırda “Krılya Sovetov” 21 xalla 16 komanda arasında 13-cü pillədədir.