Millimizin futbolçusu Portuqaliya Primeyra-liqasında rəmzi heyətə düşüb

Portuqaliya Primeyra-liqasında 15-ci tura yekun vurulub. Allsport.az saytı xəbər verir ki, artıq hesabat turunun simvolik heyəti də açıqlanıb. Pireney mətbuatının hazırladığı rəmzi komandada azərbaycan millisinin və “Boavişta”nın yarımmüdafiəçi Emin Mahmudov da yer alıb.

Xatırladaq ki, “şahmatlı bəbirlər” bu tur səfərdə “Nasyonal”ı 2:0 hesabı ilə məğlub edib. Görüşdə hesabı məhz həmyerlimiz açıb. Bununla da o, həm də Portuqaliya çempionatında ilk qolu vurub.