Millimizin heyətində dəyişiklik

18 yaşadək futbolçulardan ibarət Azərbaycan milli komandasının heyətində daha bir dəyişiklik edilib.

Allsport.az xəbər verir ki, “Sumqayıt”in futbolçusu Aftandil Arıxov heyətdən çıxarılıb. Onun yerinə “Neftçi”dən Eldar Babayev milliyə dəvət olunub.

Millimiz aprelin 28-də dalğa təlim-məşq mərkəzində seleksiya xarakterli təlim-məşq toplanışına başlayıb. Hazırlıq mayın 3-dək davam edəcək.